QURAN MÖCÜZƏLƏRİ

Kainatın yaranması

2011-01-01T14:06:00.000-08:00

Qurani-Kərimdə kainatın yaranması belə açıqlanır:

“O göyləri və yeri yoxdan var edəndir...” (Ənam surəsi, 101)

Allahın Quranda verdiyi bu məlumat müasir elmi kəşflərilə tamamilə üst-üstə düşür. Bu gün astrofizikanın gəldiyi dəqiq nəticə bütün kainatın maddə və zaman ölçülərilə birlikdə sıfır anında böyük bir partlayışla əmələ gəlməsidir. “Böyük Partlayış”, orijinal adı ilə “Big Bang” nəzəriyyəsi bütün kainatın təxminən 15 milyard il əvvəl tək bir nöqtənin partlaması ilə yoxluqdan meydana gəldiyini sübut etmişdir. Böyük Partlayış nəzəriyyəsi bu gün kainatın əmələ gəlməsi və başlanğıcı mövzusunda bütün elmi dairələr tərəfindən ortaq şəkildə qəbul edilən elmi açıqlamadır.

“Big Bang”-dən əvvəl maddə deyilən bir şey yox idi. Maddənin, enerjinin, hətta zamanın belə mövcud olmadığı, tamamilə metafizik şəkildə qəbul edilən bir yoxluq şəraitində maddə, enerji və zaman yaradılmışdır. Müasir fizikanın aşkar etdiyi bu böyük həqiqəti Allah Quranda bizə 1400 il əvvəl xəbər verir.

Geri qaytaran göy

2011-01-01T14:01:00.000-08:00

Qurani-Kərimdə Tariq surəsinin 11-ci ayəsində göy üzünün “geri qaytaran” xüsusiyyətindən bəhs edilir.

“And olsun qaytarıb endirən səmaya...” (Tariq surəsi, 11)

Ayədə “qaytaran” kimi tərcümə edilən kəlmə “geri qaytaran” və ya “geri dövr etdirən” mənasını verir.

Maraqlıdır ki, göy üzünün Quranda bildirilən bu xüsusiyyəti Quranın endirilməsindən əsrlər sonra elmi cəhətdən müəyyən edilmişdir.

Məlumdur ki, Yeri əhatə edən atmosfer bir neçə təbəqədən ibarətdir. Hər təbəqənin həyatın qorunmasına xidmət edən vacib bir vəzifəsi vardır. Tədqiq edildiyi zaman hər təbəqənin buraya düşən maddə və ya şüaları kosmosa və ya yer üzünə geri qaytarmaq xüsusiyyətlərə malik olduğu müəyyən edilmişdir.

Məsələn, 13-15 km yüksəklikdəki troposfer yer üzündən qalxan su buxarının qatılaşaraq yağışa dönərək geri qayıtmasını təmin edir.

25 km yüksəklikdəki ozonosfer kosmosdan gələn radiasiya və zərərli ultrabənövşəyi şüaları əks etdirərək, yer üzünə çatmadan kosmosa geri qayıtmasını təmin edir.

İonosfer təbəqəsi də yer üzündən yayımlanan radiodalğaları bir peyk kimi yer üzünün fərqli bölgələrinə geri əks etdirərək, simsiz telefonların, radio və televiziya yayımlarının uzaq məsafələrdən seyr edilməsini təmin edir.

Atmosferin manyetosfer təbəqəsi isə Günəşdən və digər ulduzlardan yayılan zərərli radioaktiv hissəcikləri yer üzünə çatmadan kosmosa geri qaytarır.

Atmosferin təbəqələri

2011-01-01T13:57:00.000-08:00

Quran ayələrində Allahın kainat haqqında verdiyi məlumatlardan biri də göy üzünün yeddi qatdan ibarət şəkildə nizamlanmasıdır:

“Yer üzündə nə varsa, hamısını sizin üçün yaradan, sonra səmaya üz tutaraq onu yeddi qat göy halında düzəldib nizama salan Odur! O, hər şeyi biləndir!” (Bəqərə surəsi, 29)

“Sonra Allah tüstü halında olan göyə üz tutdu... Allah onları (səmaları) yeddi (qat) göy olaraq iki gündə əmələ gətirdi. O, hər bir göyün işini özünə vəhy edib bildirdi...” (Fussilət surəsi, 11-12)

Quranda göy kəlməsi bütün kainatı ifadə etmək üçün istifadə edildiyi kimi, Yerin üzərindəki səmanı ifadə etmək üçün də işlədilir. Kəlmənin bu mənasını götürdükdə Yer üzərindəki səmanın, başqa sözlə, atmosferin 7 qatdan ibarət olduğu nəticəsi çıxır.

Belə ki, bu gün Yerin atmosferinin üst-üstə düzülmüş fərqli təbəqələrdən meydana gəldiyi məlumdur. Üstəlik ayədə bildirildiyi kimi tam yeddi əsas təbəqədən...

Elm adamları atmosferin bir çox təbəqədən əmələ gəldiyini kəşf etdilər. Təbəqələr təzyiqləri və onları əmələ gətirən qazların birləşməsi kimi aydın fiziki xüsusiyyətlərlə bir-birlərindən fərqlənirlər... Atmosferin Yerə ən yaxın təbəqəsi “TROPOSFER”dir. Atmosferin ümumi kütləsinin 90 %-ni təşkil edir... Troposferin üzərindəki təbəqə “STRATOSFER”dir... Stratosferdə ultrabənövşəyi şüaların udulduğu təbəqəyə “OZONOSFER” deyilir... Stratosferin üzərindəki təbəqə “MEZOSFER” adlanır... Mezosferin üzərində “TERMOSFER” yerləşir... İonlaşmış qazlar Termosferin içindəki “İONOSFER” adlı təbəqəni əmələ gətirirlər... Yerin atmosferinin ən üstdəki təbəqəsi 450 km-dən 960 km-dək uzanır. Bu təbəqəyə “EKZOSFER” deyilir.

Bu mənbədə bildirilən təbəqələri saydıqda atmosferin, ayədə bildirildiyi kimi, tam 7 təbəqədən ibarət olduğunu görürük:

1- TROPOSFER

2- STRATOSFER

3- OZONOSFER

4- MEZOSFER

5- TERMOSFER

6- İONOSFER

7- EKZOSFER

Bu mövzuyla bağlı digər əhəmiyyətli möcüzə də Fussilət surəsinin 12-ci ayəsindəki “hər bir göyün işini özünə vəhy edib bildirdi” cümləsi ilə bildirilir. Yəni Allahın hər təbəqəyə müəyyən bir vəzifə təyin etdiyi xəbər verilir. Həqiqətən, əvvəlki bölmələrdə də gördüyümüz kimi, yuxarıda sadaladığımız təbəqələrin hər biri insanların və yer üzündəki bütün canlıların xeyri baxımından çox həyati vəzifələr daşıyırlar. Yağışların əmələ gəlməsindən zərərli şüaların qarşısının alınmasına, radiodalğaların əks etdirilməsindən meteoritlərin zərərsizləşdirilməsə qədər hər təbəqənin özünə aid müəyyən bir vəzifəsi vardır.

XX əsr texnologiyası olmadan əldə edilməsi mümkün olmayan bu məlumatların 1400 il əvvəl nazil olunan Qurani-Kərimdə açıq şəkildə bildirilməsi isə çox böyük möcüzədir.

Mayalandırıcı küləklər

2011-01-01T13:54:00.000-08:00

Quranın bir ayəsində küləklərin “mayalandırma” xüsusiyyətinə və bunun nəticəsində yağışın yaranmasına diqqət çəkilir:

“Biz (buludla) yüklənmiş külək göndərdik, göydən yağmur endirib sizə su verdik”. (Hicr surəsi, 22)

Ayədə yağışın yaranmasındakı ilk mərhələnin küləklər olduğuna diqqət çəkilir. Əslində bu əsrin əvvəllərinə qədər küləklə yağışın yağması arasında bir əlaqənin olması məlum deyildi. Küləklərin yağışın əmələ gəlməsində vacib “aşılayıcı” rol oynadıqları müasir meteoroloji çalışmalarla aşkar edilmişdi.

Küləklərin bu mayalama xüsusiyyəti belə baş verir:

Okeanların və dənizlərin səthində köpüklənmə nəticəsində hər an saysız-hesabsız hava qovuqcuğu əmələ gəlir. Bu qovuqcuqlar partladıqları zaman millimetrin 100-də biri nisbətində minlərlə hissəciklərini havaya sıçradırlar. “Aerizol” adlandırılan bu hissəciklər küləklər vasitəsilə qurudan gələn tozlarla qarışaraq, atmosferin üst təbəqələrinə aparılırlar. Küləklərin bu şəkildə yüksəklərə daşıdığı hissəciklər burada su buxarı ilə birləşirlər. Su buxarı da bu hissəciklərin ətrafına toplaşaraq dolğunlaşır və su damcılarına çevrilirlər. Bu su damcıları əvvəl birləşərək buludları əmələ gətirir, bir müddət sonra da yağış kimi yer üzünə enirlər.

Göründüyü kimi, küləklər havada sərbəst halda olan su buxarını dənizlərdən daşıdıqları hissəciklərlə “mayalandırır” və beləliklə də, yağış buludlarının yaranmasını təmin edirlər.

Əgər küləklərin bu xüsusiyyəti olmasaydı, yüksək atmosferdə su damcıları yaranmazdı və yağış deyə bir şey də olmazdı.

Burada əsas cəhət budur ki, küləklərin yağışın əmələ gəlməsində oynadıqları bu həlledici rolu əsrlər əvvəl Quran ayəsində bildirilmişdir. Həm də insanların təbiət hadisələri haqqında heç bir məlumata malik olmadıqları bir dövrdə...

Dənizlərin bir-birinə qarışmaması

2011-01-01T13:31:00.000-08:00

Dənizlərin tədqiqatçılar tərəfindən çox yaxın keçmişdə müəyyənləşdirilən bir xüsusiyyəti Quranın aşağıdakı ayəsində belə bildirilir:

“İki dənizi O qovuşdurdu. Amma onların arasında maneə vardır, bir-birinə qarışmazlar”. (Rəhman surəsi, 19-20)

Bir-birinə qovuşan, lakin suları qətiyyən bir-biri ilə qarışmayan dənizlərin ayədə bildirilən bu xüsusiyyəti okeanoloqlar tərəfindən bir müddət əvvəl kəşf edilmişdir. “Səth daralması” adlandırılan fiziki bir qüvvə səbəbindən qonşu dənizlərin sularının qarışmadığı ortaya çıxmışdır. Dənizlərin fərqli sıxlıqlarından qaynaqlanan səth daralması sanki bir divar kimi suların bir-birinə qarışmasına mane olur.

Əlbəttə, maraqlı odur ki, insanların nə fizikadan, nə səth daralmasından, nə də okeanologiya elmindən xəbərdar olmadıqları bir dövrdə, bu həqiqət Quranda bildirilmişdir.

Sümüklərin əzələ ilə örtülməsi

2011-01-01T13:26:00.000-08:00

Quran ayələrində bildirilən digər bir vacib məlumat insanın ana bətnindəki inkişaf mərhələləridir. Ayələrdə ana bətnində əvvəl sümüklərin əmələ gəldiyi, daha sonra isə əzələlərin yaranaraq bu sümükləri örtdüyü xəbər verilir:

“Sonra nütfəni laxtalanmış qana çevirdik, sonra laxtalanmış qanı bir parça ət etdik, sonra o bir parça əti sümüklərə döndərdik, sonra sümükləri ətlə örtdük və daha sonra onu bambaşqa bir məxluq olaraq yaratdıq. Yaradanların ən gözəli olan Allah nə qədər uludur!” (Muminun surəsi, 14)

“Sonra sümükləri ətlə örtdük...” (Muminun surəsi, 14)

Ana bətnindəki inkişafı tədqiq edən elm sahəsi embriologiyadır. Embriologiya sahəsində yaxın dövrə qədər sümüklərlə əzələlərin birlikdə əmələ gələrək inkişaf etdiyini düşünürdülər. Buna görə də bəziləri uzun müddət bu ayələrin elmə zidd olduğunu iddia etmişdir. Lakin qabaqcıl texnologiyaların köməyilə aparılan mikroskopik tədqiqatlar Quranda bildirilənlərin tamamilə doğru olduğunu sübuta yetirmişdir.

Bu mikroskopik tədqiqatlar göstərir ki, ana bətnində eynilə ayələrdə tərif edildiyi kimi bir proses baş verir. Əvvəlcə, rüşeymdəki qığırdaq toxuma sümüyə çevrilir. Daha sonra isə əzələ hüceyrələri sümüklərin ətrafındakı toxumadan ayrılaraq birləşir və bu sümükləri örtür.

Bu, “Developinq Human”, yəni “İnkişaf edən insan” adlı elmi jurnalda belə izah edilir:

“6-cı həftədə qığırdaqlaşmanın davamı kimi ilk sümükləşmə körpücük sümüyündə baş verir. 7-ci həftənin sonunda uzun sümüklərdə də sümükləşmə başlayır. Sümüklər əmələ gəlməyə davam edərkən əzələ hüceyrələri sümüyü əhatə edən toxumadan ayrılaraq əzələ kütləsini əmələ gətirirlər. Əzələ toxuması bu şəkildə sümüyün ətrafında ön və arxa əzələ qruplarına ayrılır.”

Qısaca olaraq, insanın Quranda tərif edilən inkişaf mərhələləri müasir embriologiyanın kəşflərilə tamamilə üst-üstə düşür.

Uşağın ana bətnindəki üç inkişaf mərhələsi

2011-01-01T13:23:00.000-08:00

Quranda insanın ana bətnində üç mərhələli bir yaradılışla yaradıldığı bildirilir:

“O sizi analarınızın bətnində üç zülmət içində yaranışdan-yaranışa salaraq yaradır. Bu sizin Rəbbiniz olan Allahdır, hökm Onundur, Ondan başqa heç bir tanrı yoxdur. Elə isə necə döndərilirsiniz?” (Zumər surəsi, 6).

Diqqət etsək, ayədə insanın ana bətnində bir-birindən fərqli üç ayrı inkişaf mərhələsi keçməklə yaradıldığına işarə edilir.

Həqiqətən də bu gün müasir biologiya uşağın ana bətnindəki embrioloji inkişafının üç fərqli mərhələdə baş verdiyini ortaya qoymuşdur. Bu gün tibb fakültəsində dərslik kimi istifadə edilən bütün embriologiya kitablarında adı çəkilən mövzu ən əsas biliklər arasındadır. Məsələn, embriologiya haqqında əsas mənbələrdən biri sayılan “Beyzik Human Embrioloci” (Əsas insan embriologiyası) adlı mənbədə bu həqiqət belə ifadə edilir:

“Ana bətnindəki həyat 3 mərhələdən ibarətdir: pre-embrionik (ilk 2.5 həftə), embrionik (8-ci həftənin sonuna qədər) və fetal (8-ci həftədən doğuşa qədər)”.

Tibbi dildə “trimester”, yəni “üç dövr” adlandırılan bu mərhələlər uşağın fərqli inkişaf mərhələləridir. Bu üç inkaşaf mərhələsinin əsas xüsusiyyətləri bu cürdür:

- Pre-embrionik mərhələ:

Daha çox “1-ci trimester” adlanan bu ilk mərhələdə «ziqot» bölünərək çoxalır, bir hüceyrə kütləsinə döndükdən sonra özünü bətn divarına yapışdırır. Hüceyrələr çoxalmağa davam edərkən 3-cü təbəqə halında təşkil edilirlər.

- Embrionik mərhələ:

“2-ci trimester” kimi də adlandırılan ikinci mərhələ cəmi 5.5 həftə davam edir və bu müddət ərzində canlı “rüşeym” adlandırılır. Bu mərhələdə hüceyrə təbəqələrindən bədənin əsas orqan və sistemləri əmələ gəlir.

- Fetal mərhələ:

Hamiləliyin “3-cü trimesteri” adlandırılan mərhələdə rüşeym artıq “fetus” adlandırılır. Bu mərhələ hamiləliyin səkkizinci həftəsindən etibarən başlayır və doğuşa qədər davam edir. Əvvəlki mərhələdən fərqli cəhəti üzü, əlləri və ayaqları ilə seçilən, insanın xarici görünüşünə malik bir canlı olmasıdır. Mərhələnin əvvəlində 3 sm boyunda olmasına baxmayaraq, bütün orqanları əmələ gəlmişdir. Bu 30 həftəlik mərhələnin xüsusiyyəti doğuş həftəsinə qədər fetusda böyümə və ölçülərdə dəyişmədir.

Ana bətnindəki inkişaf ilə bağlı bu məlumatlar ancaq müasir texnoloji cihazlar vasitəsilə aparılan müşahidələr nəticəsində əldə edilmişdir. Ancaq göründüyü kimi bu məlumatlar da bir çox digər elmi həqiqətlər kimi möcüzəvi bir şəkildə Quran ayələrində xəbər verilmişdir. Bəşəriyyətin tibb sahəsində hər hansı bir ətraflı məlumata sahib olmadığı bir dövrdə Quranda bu qədər müfəssəl və doğru məlumatların verilməsi, əlbəttə, Quranın Allah Kəlamı olduğunun açıq bir dəlilidir.

Ana südü

2011-01-01T13:12:00.000-08:00

Ana südü uşağın qidaya olan ehtiyacını tamamilə təmin etmək və uşağı mümkün infeksiyalara qarşı qorumaq üçün Allahın yaratdığı tayı-bərabəri olmayan bir qidadır. Dövrümüzdəki texnologiya ilə hazırlanan uşaq qidaları belə bu möcüzəvi qidanı əvəz etmir.

Ana südünün uşağa olan faydaları getdikcə daha çox müəyyən edilir. Elmin ana südü ilə bağlı kəşf etdiyi həqiqətlərdən biri isə uşağın ana südü ilə 2 il boyu qidalanmasının son dərəcə faydalı olmasıdır. Elmin yeni kəşf etdiyi bu vacib məlumatı Allah bizə “... Onun (süddən) ayrılması iki il ərzindədir...” ayəsi ilə 14 əsr əvvəl bildirmişdir.

Palçıqdan yaradılış

2010-12-16T09:42:00.000-08:00

Allah Quranda insanın yaradılışının möcüzəvi şəkildə olduğunu xəbər verir. İlk insan, Allahın palçığı şəkilləndirib insan bədəni halına gətirməsi və ardından bu bədənə ruh üfləməsi ilə yaradılmışdır:

Xatırla ki, o zaman sənin Rəbbin mələklərə belə demişdi: “Mən palçıqdan bir insan yaradacağam. Mən onu tamamlayıb Öz ruhumdan üfürən kimi ona səcdə edin!” (Sad Surəsi, 71-72)

İndi soruş: onları yaratmaq çətindir, yoxsa Bizim yaratdıqlarımızı? Axı Biz onları yapışqan bir palçıqdan yaratdıq. (Saffat Surəsi, 11)

Bu gün insan toxumaları araşdırıldıqda yür üzündə mövcud olan bir çox kimyəvi elementin insan toxumalarında da olduğu məlum olur. Canlı toxumasının 95%- i karbon (C), hidrogen (H), oksigen (O), azot (N), fosfor (P) və kükürd (S) elementlərindən təşkil olunmuşdur və canlı toxumalarında cəmi 26 element mövcuddur.Quranın bir başqa ayəsində belə buyrulur:

Biz, həqiqətən, insanı tərtəmiz palçıqdan yaratdıq. (Muminun Surəsi, 12)

Ayədə "süzülmüş" olaraq tərcümə edilən "sulala" sözü, "təmsili nümunə, öz, xülasə, əsas" kimi mənalara gəlir. Göründüyü kimi Quranda 14 əsr əvvəl bildirilənlər, müasir elmin bizə söylədiklərini -insanın yaradılışındakı vəsait ilə torpağın tərkibindəki elementlərin ortaq olduğu gerçəyini- təsdiq edir.

İki dənizin qovuşması

2010-11-18T08:02:00.000-08:00

Dənizlərin tədqiqatçılar tərəfindən çox yaxın keçmişdə aşkarlanan bir xüsusiyyəti Quranın Rəhman surəsində belə açıqlanır:

İki dənizi o qovuşdurdu. Amma onların arasında maneə vardır, bir-birinə qarışmazlar. (Rəhman 19-20)

Bir-birinə qovuşan, amma suları bir-birinə qətiyyən qarışmayan dənizlərin Quran ayəsində 14 əsr əvvəl bildirilən bu xüsusiyyəti okeanoloqlar tərəfindən bir müddət əvvəl kəşf edilib. Sübuta yetirilib ki, qonşu dənizlərin suları bir-birinə səth daralması adı verilən fiziki bir qüvvə ucbatından qarışmır. Dəniz sularının fərqli sıxlıqlarından qaynaqlanan səth daralması hadisəsi suların bir-birinə qarışmasına adətən bir divar kimi mane olur. Əlbəttə ki, işin əsl möcüzəvi tərəfi insanların nə fizikadan, nə səthin daralması anlayışından, nə də okeanoqrafiya elmindən xəbərdar olmadığı bir dövrdə bu həqiqətin Quranda bildirilməsidir.

İnsanın sudan yaradılışı

2010-10-30T12:53:00.000-07:00

Allah hər canlını bir sudan yaratmışdır. Onların bəzisi qarnı üstə sürünür, bəzisi iki, bəzisi isə dörd ayaq üstündə gəzir. Allah istədiyini yaradır. Həqiqətən, Allah hər şeyə qadirdir! (Nur Surəsi, 45)

Məgər kafir olanlar göylə yer bitişik ikən Bizim onları ayırdığımızı, hər bir canlını sudan yaratdığımızı bilmirlərmi?! Yenə də iman gətirməzlər? (Ənbiya Surəsi, 30)

İnsanları sudan yaradan, onları əsl qohum və sonradan qohum edən Odur. Rəbbin (hər şeyə) qadirdir!... (Furqan Surəsi, 54)

Canlıların və insanın yaradılışı mövzusundakı ayələrə baxdığımızda, bu yaradılışların möcüzəvi şəkildə olduğunu açıqca görərik. Bu möcüzəvi yaradılış şəkillərindən biri, canlıların sudan yaradılmasıdır. Bir çox ayədə açıqca ifadə edilən bu məlumata insanların çatmaları isə, əsrlər sonra mikroskopun icadı ilə mümkün olmuşdur.

Bilinən bütün həyat formaları yaşamaq üçün suya ehtiyac duyur. Buna görə heyvanlar quraq bölgələrdə, maddələr mübadilələrini su itkisindən qoruyan, suyun istifadəsindən maksimum fayda verən mexanizmlərə sahib olaraq yaradılmışlar. Əgər bədəndə müxtəlif səbəblərlə su itkisi meydana gələr və bu əskiklik aradan qaldırılmazsa bir neçə gün içində ölüm baş verər. 17-ci əsrin məşhur elm adamı Jan Baptista van Helmont da, 1640-cı illərdə suyun bitkinin inkişafı üçün torpaqdakı ən əhəmiyyətli ünsür olduğunu kəşf etmişdir.

Bugün ən fundamental ensiklopediyalarda "Su, canlı maddənin ən böyük elementidir. Canlı orqanizmlərin ağırlığının 50-90%-i sudur" ifadələri iştirak etməkdədir. Ayrıca bütün biologiya kitablarında bəhsi keçən standart bir heyvan hüceyrəsinin sitoplazması (hüceyrənin təməl maddəsi) də 80%-i sudan təşkil olunmuşdur. Sitoplazmanın analiz edilib elmi qeydlərə keçirilməsi, Quranın endirilməsindən əsrlər sonra reallaşmışdır. Buna görə də günümüzdə elm dünyasının qəbul etdiyi bu gerçəyin Quranın endirildiyi dövrdə bilinməsi şübhəsiz ki mümkün deyildi. Ancaq buna baxmayaraq insanların kəşfindən 14 əsr əvvəl Quranda bu məlumata diqqət çəkilmişdir.

Quranda “Firon” kəlməsi

2010-10-24T12:26:00.000-07:00

“Keçmişin xəbərlərinin bir qisminə sənə belə nəql edirik. Sənə öz dərgahımızdan zikr də vermişik. Hər kəs ondan üz döndərsə, şübhəsiz ki, qiyamət günü ağır bir günaha yüklənəcəkdir” (Taha surəsi, 99-100).

Əhdi Ətiqdə Hz.İbrahimlə Hz.Yusif dövründəki Misir hökmdarından Firon olaraq bəhs edilir. Halbuki Firon hər iki peyğəmbərdən sonra işlədiləcəkdi.

Quranda Hz.Yusif dövründəki Misir idarəçisindən bəhs edilərkən “hökmdar, çar, kral, sultan” mənalarına gələn ərəb dilində “əl-məlik” kəlməsi işlədilir:

“Hökmdar: “Onu mənim yanıma gətirin!” dedi...” (Yusif surəsi, 50).
Hz.Musa dövründəki Misirin idarəçisindən isə “Firon” kəlməsi ilə bəhs edilir. Quranda bildirilən bu fərqə nə Qədim və Yeni Əhddə, nə də yəhudi tarixçilərinin əsərlərində rast gəlmək olar. Onlar ancaq “Firon” ifadəsi işlədirlər. Həqiqətdə də Misir tarixində “Firon” ifadəsinin işlədilməsi ancaq sonrakı dövrlərə aiddir. “Firon” xitabı ilk dəfə bizim eradan əvvəl XIV əsrdə IV Amenhotepin dövründən etibarən işlədilməyə başlanmışdır. Hz.Yusif isə bu tarixdən ən azı 200 il əvvəl yaşayıb.

Britaniya Ensiklopediyasına görə, “Firon” kəlməsi yeni çarlıq dövründən etibarən (18-ci xanədanlıqdan başlayır; b.e.ə. 1539-1292-ci illər) 22-ci xanədanlığa qədər (b.e.ə. 945-730-ci illər) hörmət mənasında işlədilib, sonralar da bu söz çarın ünvanına çevrilib, əvvəllər isə bu xitabdan heç vaxt işlədilməyib.

Bu mövzuda başqa bir məlumat isə Amerika Akademik Ensiklopediyasında (Academic American Encyclopedia) qeyd edilmişdir. Həmin ensiklopediyada “Firon” ləqəbinin yeni çarlıq dövründən etibarən istifadə edilməyə başladığı bildirilir.

Göründüyü kimi, “Firon” kəlməsindən müəyyən bir tarixdən sonra istifadə olunmağa başlanıb. Dolayısı ilə Quranda bu fərqin tam olaraq qeyd edilməsi - Hz.Yusif dövründəki hökmdardan həmişə “kral, çar, hökmdar” olaraq bəhs edildiyi halda Hz.Musanın dövründəki hökmdarın hər dəfə “Firon” adlandırılması - Quranın Allahın sözü olmasını sübut edən başqa bir dəlildir.

İsti tüstüdən yaradılış

2010-10-24T12:20:00.000-07:00

Bu gün alimlər ulduzların isti qaz buludundan meydana gəldiyini bildirirlər. İsti qaz kütləsindən meydana gəlmək həm də kainatın yaradılması ilə əlaqədardır. Kainatın yaradılışı barədəki bu elmi kəşfləri Quran da təsdiq edir:

“O, yer üzündə möhkəm durmuş dağlar yaratdı, onu bərəkətli etdi və istəyənlər üçün bərabər olaraq orada yer əhlinin ruzisini dörd gündə müəyyən etdi. Sonra Allah tüstü halında olan göyə üz tutdu. Ona və yerə belə buyurdu: “İstər-istəməz vücuda gəlin!” Onlar da “İstəyərək vücuda gəldik!” deyə cavab verdilər” (“Fussilət” surəsi, 41/10-11).

Bu ayədə qeyd edilən “tüstü” ifadəsi ərəb dilində “duxan” kəlməsi şəklindədir. Bu kəlmə adı Quranda çəkilən isti bir kosmik tüstünü ifadə edir. Qatı maddələrə bağlı uçan kiçik hissələri ehtiva edən, isti qaz halında bir kütlə olan bu tüstü forması Quran ayəsinə tam uyğun gəlir. Bəlli olduğu kimi, Quranda kainatın bu mərhələdəki görünüşünü təsvir edən ən münasib sözdən istifadə olunub. Alimlər isə kainatın tüstü halındakı isti bir qaz kütləsindən əmələ gəldiyini yalnız XX əsrdə kəşf edib.

Kainatın yaranması haqqındakı bu məlumatın ilk dəfə Quranda bildirilməsi şübhəsiz ki, Quranın elm sahəsindəki növbəti möcüzəsidir.

Arının genetik kodu

2010-10-10T10:47:00.000-07:00

Canlıların genetik şifrəsi olan DNT-lər xromosomlar üzərində qurulmuşdur. Məsələn, Dünyadakı bütün arıların xromosom sayı eynidir. Ümumiyyətlə, heyvanların dişisində və erkəyində bərabər sayda xromosom var. Lakin arının vəziyyəti, digərlərindən bir az fərqlidir. Çünki erkək arı 16 tək xromosoma, dişi arı 16 cüt xromosoma malikdir.

Arı bu baxımdan -xromosom sayı baxımından- fərqlidir. Bu fərqliliyə Quranda Nəhl surəsində işarə edilə bilər. (Doğrusunu Allah bilir.) Quranda "arı" mənasını verən "Nəhl" adlı surə tam 16-cı surədir. Eyni zamanda, arı da 16 xromosomlu bir canlıdır.

Aya çıxış tarixi

2010-10-10T10:42:00.000-07:00

Saat (qiyamət vaxtı) yaxınlaşdı və Ay yarıldı. (Qəmər surəsi, 1)

"Qəmər" sözünün tərcüməsi "Ay"dır və Qəmər surəsində "Ay" sözü birinci ayədə yer tutur. Bu ayədən Quranın sonuna qədər tam 1390 ayə var. Hicri təqvimində 1390-cı il Miladi təqviminə görə 1969-cu ilə bərabər gəlir ki, bu da Aya çıxış tarixidir. İnsanlıq tarixinin ən əhəmiyyətli inkişaflarından birinə 14 əsr əvvəl işarə edilməkdədir. (Doğrusunu Allah bilir.)

Bununla bərabər, yuxarıdakı ayədə "yarıldı" mənasını verən "inşakka" sözü istifadə edilmişdir. Bu söz "torpağın yarılması, qazılması, qabardılması, torpağın sürtülməsi..." mənalarında da istifadə edilən "şakka" felindən törəmişdir. Aya gedən "Apollo 11" kosmos vasitəsi də, Ay torpağından nümunə götürərək, bu torpağı Dünyaya gətirmişdir. Bu cəhətdən də Qəmər surəsinin 1-ci ayəsindəki "Ay yarıldı" ifadəsi, günümüzdəki inkişaflarla bir paralellik içindədir.

Qəmər (Ay) surəsinin ilk ayəsindən Quranın sonuna qədər olan ayə sayı = 1390

İnsanın Aya çıxdığı Hicri tarix = 1390

Dağların hərəkət etməsi

2010-10-10T10:33:00.000-07:00

Bir ayədə dağların göründükləri kimi sabit olmaması, davamlı hərəkət etməsi belə bildirilir:

Dağlara baxıb onları donmuş zənn edərsən, halbuki onlar bulud keçən kimi keçib gedərlər... (Nəml surəsi, 88)

Dağların bu hərəkəti üzərində dayandıqları Yer qabığının hərəkətindən meydana gəlir. Yer qabığı özündən daha çox qalın olan mantiya təbəqəsinin üstündə sanki üzür. İlk dəfə XX əsrin əvvəllərində Alfred Wegener adlı alman alimi Yer kürəsindəki qitələrin dünyanın yaradıldığı ilkin dövrdə bir yerdə olduqlarını, onların sonradan ayrılaraq müxtəlif istiqamətlərə doğru uzaqlaşdıqlarını iddia etmişdi. Ancaq geoloqlar Wegenerin iddiasının doğruluğunu onun ölümündən 50 il sonra, yəni 1980-ci illərdə başa düşdülər.

Wegener 1915-ci ildə dərc olunan bir məqaləsində qeyd edirdi ki, Yer kürəsinin quru hissələri təxminən 500 milyon il əvvəl bir-birinə bitişik idi. Pangaea deyilən bu böyük quru hissəsi Cənub qütbündə yerləşirdi. Təxminən 180 milyon il əvvəl Pangaea iki yerə ayrılıb. Müxtəlif istiqamətlərə ayrılan bu iki nəhəng qitədən birincisi özündə Afrika, Avstraliya, Antartika və Hindistanı ehtiva edən Gondwana idi. İkincisi isə, Avropa, Şimali Amerika və Hindistan istisna olmaqla Asiyadan ibarət Laurasia idi. Bu bölünmədən sonra təxminən 150 milyon il ərzində Gondwana və Laurasia müxtəlif dövrlərdə daha kiçik hissələrə ayrıldılar. Pangaeanın hissələ bölünməsi ilə ortaya çıxan bu qitələr quru və dəniz arasında ildə bir neçə santimetrlik uzaqlaşmalarla Yer üzərində bir-birindən davamlı olaraq uzaqlaşırlar.

Yer qabığının XX əsrin əvvəllərində aparılmış geoloji tədqiqatlar nəticəsində kəşf edilən bu hərəkəti elmi əsərlərdə belə izah edilir:

Yer qabığı və yuxarı mantiyadan meydana gələn 100 km qalınlığındakı Yer üst qatı "təbəqə" adlandırılan hissələrdən təşkil edilmişdir. Yer səthini təşkil edən altı böyük təbəqə və saysız-hesabsız kiçik təbəqə vardır. "Təbəqə tetonogiyası" deyilən nəzəriyyəyə görə, bu təbəqələr qitələri və okean tabanını da özü ilə apararaq Dünya üzərində hərəkət edir... Qitələrin hərəkətinin ildə 1-5 sm arasında olması hesablanmışdır. Təbəqələr bu şəkildə hərəkət etdikcə, Dünya coğrafiyasında da dəyişikliklər meydana gəlir. Məsələn, Atlantik okeanı hər il bir az genişlənir.

Burada qeyd edilməsi vacib olan bir məsələ də budur: Allah dağların hərəkət etdiyini ayədə "keçib getmə" olaraq bildirib. Həmçinin alimlərin bu gün bu hərəkəti ifadə etmək üçün ingilis dilində işlətdiyi "continental drift" kəlməsinin də tərcüməsi "qitələrin sürüşməsi"dir.
Qitələrin bir-birindən ayrılması Quranın endirildiyi dövrdə müşahidə edilə bilməyən bir məsələdir. Allah ayədə bildirilən "dağlara baxıb onları donmuş zənn edərsən" ifadəsi ilə insanların bu məsələni necə dəyərləndirdirdiyini əvvəldən bildirmişdir. Ancaq ayənin davamı ilə bu həqiqəti də açıqlayıb və dağların bulud keçdiyi kimi keçib getdiyini xəbər vermişdir. Göründüyü kimi, ayədə dağların yerləşdiyi təbəqənin hərəkət etməsinə aydın şəkildə diqqət çəkilmişdir.

Elmin yeni kəşf etdiyi həqiqətin Quranda bildirilməsi şübhəsiz ki, Quranın möcüzələrindən biridir.

Qum təpələri və Mars planeti

2010-10-10T10:27:00.000-07:00

Qurandakı "Əhqaf" surəsi "qum təpələri" mənasını verir. Astronomiyada Mars deyildiyində ağıla ilk gələn xüsusiyyətlərindən biri, Marsdakı yüksək qum yığınları, yəni nəhəng "qum təpələri"dir. Mars bu xüsusiyyəti ilə digər planetlərdən fərqlidir.

Əhqaf surəsinin 23-cü ayəsindəki hərflərin düzülmələrinə baxdığımızda isə, ərəb dilində Mim, Əlif, Rə və Sin hərflərinin yan-yana gələrək Mars sözünü meydana gətirməsinin şahidi oluruq.

Bu hərflərin Marsın xüsusiyyətlərindən biri olan və "qum təpələri" mənasını verən Əhqaf surəsində istifadə edilməsi son dərəcə diqqət çəkicidir. Üstəlik yalnız Mars deyil, eyni zamanda, Marsın peyki olan göy cismi "Deimos" sözü də bu surədə yan-yana keçir. Marsın ətrafında dönən "Deimos" adlı göy cisminə aid hərflər, Əhqaf surəsinin 30-cu ayəsində yan-yana gəlir. Bütün bunlar zamandan münəzzəh Rəbbimizin Dərgahında təcəlli edən sonsuz elm və məlumatının nümunələrindəndir.

Günəşin hidrogen və helium tərkibi

2010-10-10T10:19:00.000-07:00

Günəş 70% Hidrogen (H), 28% də Helium (Hə) atomlarından meydana gəlmişdir. Digər maddələr 2%dən daha az yer tuturlar. Günəşdə hər saniyə 600 milyon ton Hidrogen, 596 milyon ton Heliuma çevrilir. Qalan 4 milyon ton isə istilik və işıq enerjisi olaraq istehlak edilir. Bu baxımdan Günəş deyildiyində ilk olaraq, H (Hidrogen) və Hə (Helium) atomlarını birləşdirən hərflər başa düşülür. Qurandakı "Günəş" mənasını verən "Şəms" surəsində isə, surədəki on beş ayənin hamısı istisnasız olaraq H və E hərfləriylə bitməkdədir. Bu hərflərin ərəb dilindəki qarşılıqları belədir: (Ərəb dilində Hə hərfi) - (Ərəb dilində Əlif hərfi)

Aşağıda Şəms surəsindəki ayələrin ərəb dilində yazılışları və son sözlərinin oxunuşları görülməkdədir.

Cədvəldən də görüldüyü kimi Şəms (Günəş) surəsindəki bütün ayələrin sonu, hə və əlif hərfləri ilə bitir. Hidrogenin simvolu "H" və Heliumun simvolu "HƏ" hərflərini ehtiva etməkdədir. Quranda Şəms surəsindən başqa heç bir surə əvvəldən sona qədər HƏ hərfləri ilə bitmir. Bu baxımdan Quranda yalnız bu surədə belə bir hərf düzülməsinin olması son dərəcə diqqət çəkicidir. Ayrıca Şəms surəsinin nömrəsi olan 91 rəqəmi də xüsusidir. Hidrogen xaricində təbiətdə 91 element daha vardır və bunlar Hidrogen atomlarından meydana gəlməkdədir. Digər bir ifadə ilə, ən yüngül element olan Hidrogendən ağır 91 elementdəki bütün atomlar, Hidrogenin intra-atomik (atomlararası) mürəkkəbləridir. Bu səbəblə Günəşdə mövcud olan H (Hidrogen) atomu, təbiətdəki digər 91 elementi də meydana gətirməkdədir.

Kainatı, içindəki hər şeylə birgə Uca Allah yaratmışdır və yaratmağa davam etməkdədir. Bir ayədə belə buyrulmaqdadır:

Allahdan başqa heç bir tanrı yoxdur. Əbədi və əzəli varlıq Odur. O nə mürgü, nə də yuxu bilər. Göylərdə və yerdə nə varsa (hamısı) Onundur. Allahın izni olmadan Onun yanında kim şəfaət edə bilər? O, bütün yaranmışların keçmişini və gələcəyini bilir. Onlar Allahın elmindən Onun Özünün istədiyindən başqa heç bir şeyi qavraya bilməzlər. Onun kürsüsü göyləri və yeri əhatə etmişdir. Bunları mühafizə etmək Onun üçün heç də çətin deyildir. Ən uca, ən böyük varlıq da Odur! (əl-Bəqərə surəsi, 255)

Yağışdakı ölçü

2010-10-06T12:32:00.000-07:00

Quranda, Zuxruf Surəsinin 11-ci ayəsində yağış, "ölçü" ilə enən bir su olaraq belə təsvir edilmişdir:

"O Allah ki, göydən bir qədər su endirdi." (Zuxruf Surəsi, 11)

Həqiqətən də yağış yer üzünə təəccüblü bir ölçü içində enir. Yağışın sahib olduğu ölçülərdən birincisi eniş sürəti ilə əlaqədardır. Yağış damcısı ilə eyni ağırlıq və böyüklükdəki bir cisim 1200 metrdən buraxıldığında gedərək sürətlənəcək və yerə təxminən 558 km/saatlıq bir sürətlə düşəcək. Əgər yağış damcısı da bu yüksəklikdən eyni şəkildə düşəcək olsa, bu vəziyyətdə bütün əkinlər təxrib olacaq, məskunlaşma sahələri, evlər və avtomobillər ziyan görəcək, insanlar lazımlı tədbirləri görə bilməyəcəklər.

Fəqət belə bir hadisə heç bir zaman yaşanmaz. Yağış damcıları nə qədər yüksəkdən düşürlərsə düşsünlər, yer üzünə çatdıqlarında ortalama sürətləri yalnız saatda 8-10 kmdir. Bunun səbəbi isə, yağış damcısının atmosferin sürtünmə təsirini artıran və yerə daha yavaş düşməsini təmin edən bir formaya sahib olmasıdır. Əgər yağış damcısı fərqli bir şəkildə olsaydı və ya atmosferin sürtünmə xüsusiyyəti tapılmasaydı, hər yağış yağanda yer üzünün necə bir fəlakətlə qarşı-qarşıya gələcəyini anlamaq üçün bu rəqəmlərə baxmaq kafi olacaq:

"Yağış buludlarının minumum yüksəkliyi 1200 metrdir. Bu səviyyədən düşən tək bir damcının etdiyi təsir, 1 kiloqramlıq bir ağırlığın 15 sm yüksəklikdən aşağı buraxılmasına bərabərdir. Ancaq 10.000 metr yüksəklikdə də yağış buludları tapıla bilməkdədir ki, bu dəfə tək bir damcı, 1 kiloqramlıq ağırlığın 110 sm yüksəklikdən aşağı buraxılmasına bərabər bir təsir göstərəcək.”

Digər tərəfdən yer üzündə bir saniyədə 16 milyon ton su buxarlaşdığı hesablanmışdır. Bu eyni zamanda, bir saniyədə Dünyaya yağan yağışın miqdarıdır. Bir il içində bu miqdar 505 x 1012 tona çatmaqdadır. Yəni su davamlı bir tarazlığıyla daxilində, "müəyyən bir ölçüyə " uyğun olaraq dövr edir.

Yağışın ehtiva etdiyi ölçülər bu qədərlə qalmamaqdadır. Məsələn, yağışın endiyi atmosfer qatlarında istilik, sıfırın altında 40°C'yə qədər düşür. Ancaq su burada əsla buz qəliblərinə çevrilməz. Bunun səbəbi atmosferdəki suyun "saf su" xüsusiyyətində olmasıdır. Bilindiyi kimi saf suyun bir xüsusiyyəti çox aşağı istiliklərdə belə donmamasıdır.

Barmaq izindəki "şəxsiyyət vəsiqəsi"

2010-09-10T02:41:00.000-07:00

        Quranda insanları ölümdən sonra diriltmənin Allah üçün çox asan olduğu bildirilir və bu zaman insanların xüsusilə barmaq uclarına diqqət çəkilir:

      "Bəli, Biz onun barmaqlarını da (barmaq sümüklərini də, barmaqlarının uclarını da) düzəltməyə qadirik!" (Qiyamət Surəsi, ayə: 4)

       Ayədə barmaq uclarının vurğulanması son dərəcə hikmətlidir. Çünki bütün insanların barmaq izləri tamamilə bənzərsiz və təkrarsız, tamamilə özünəməxsusdur.
       Yer üzündə yaşayan hər bir insanın barmaq izi bir-birindən fərqlidir. Bundan başqa tarix boyunca yaşamış insanların barmaq izləri də bir-birindən fərqlidir. Elə bu səbəblə barmaq izi, hər kəsə məxsus çox əhəmiyyətli bir "şəxsiyyət vəsiqəsi" sayılır və bütün dünyada bu məqsədlə istifadə edilir. Ancaq əhəmiyyətli olan, barmaq izinin bu xüsusiyyətinin ancaq XIX əsrin sonlarına yaxın kəşf edilmiş olmasıdır. Ondan əvvəl insanlar barmaq izini heç bir xüsusiyyəti və mənası olmayan xəttlər olaraq görmüşdür. Lakin Quranda, o dövrdə heç kimin diqqətini cəlb etməyən barmaq izləri vurğulanır və bu izlərin ancaq dövrümüzdə kəşf edilən əhəmiyyətinə diqqət çəkilir.

Dnt və genetik tarixin başlanğıcı

2010-09-09T06:24:00.000-07:00

DNT termininin Quranda keçdiyinə dair çox açıq işarələrə rast gəlirik. Məsələn genetika elminin başlanğıc tarixi 1865-ci il və DNT-yə Qurandakı (18:65) nömrəli ayə ilə hər kəsin görə biləcəyi bir dəqiqlikdə diqqət çəkilir.

Bilindiyi kimi bu günki müasir genetikanın əsasını qoyan Mendel adlı elm adamının 1865-ci ildə hazırladığı genetik qanunlar, həm heyvanlar həm bitkilər həm də insanlar üçün etibarlıdır.

Buna görə də 1865-ci il elm dünyası üçün tarixi dönüş nöqtəsidir. Və bu dönüş nöqtəsinə Quranda çox açıq şəkildə diqqət çəkilir.

D-N-A hərflərinin Quranda haralarda yan-yana gəldiyini araşdırdığımız zaman ən çox 18-ci surənin 65-ci ayəsində keçdiyini görürük (Ərəbcədə Dal - Nun - Elif). Bəli, 18:65 nömrəli ayədə çox maraqlı və bənzərsiz bir şəkildə ard-arda tam üç dəfə D-N-A hərfləri keçir. Və Quranın başqa heç bir ayəsində "DNT" hərfləri bu şəkildə ard-arda və çox sayda keçmir. Yəni Quran 18:65 ayəsiylə diqqətimizi "DNT" termininə çəkmək istəyir.

Quranın riyazi möcüzəsi

2010-08-31T10:58:00.000-07:00

“Həqiqətən Allah yanında ayların sayı, göyləri və yeri yaratdığı gündən bəri Allahın kitabında 12-dir.” (ət-Tövbə, 36)

Maraqlıdır ki, “ay” sözü bütün Quranda 12 dəfə, “ gün” sözü 365 dəfə, “günlər” və “2 gün” sözləri 30 dəfə, yəni bir ay kimi istifadə edilib. Belə bir simmetriya və mütənasiblik təsadüfən alınarmı? Bu təsadüf ola bilməz! Bu və buna bənzər digər rəqəmlərdəki sirləri öyrənmək üçün növbəti araşdırmalara da nəzər salmaq yerinə düşərdi…

“İnsanlar ” və bunun sinonimi olan “ bəşəriyyət ” öz birləşmələri ilə birlikdə 368 dəfə işlənir, bir o qədər də Allahın onlara verdiyi nemətləri xatırladılır: “var- dövlət” sözü və törəmə sözləri 86 dəfə, “uşaqlar” və bundan törəmə sözlər 162 dəfə, “ruzi” və bunda törəmə sözlər 123 dəfə təkrarlanır. Maraqlıdır ki, “ruzi” sözü üç yerdə insanlara deyil heyvanlara aid edilib və bunu hesab etməyəndə qanuna uyğunluq pozulmur, yəni 86+162+120=368 olur…

“Çətinlik” və törəmə sözləri qarşılığında “səbr” və törəmə sözləri eyni sayda işlənilir – 102 dəfə.

“O gün” sözü Allahın varlıqlarını sorğu-sual üçün dirildəcəyi gün mənasında 70 dəfə təkrarlanır ki, "qiyamət" sözü də eyni sayda, 70 dəfə təkrarlanır.

"Qur`an” sözü “vəhy” (yəni Allahdan gələn) sözü ilə eyni sayda işlənib –80 dəfə...

“Şərab” və “ donuz” sözü ayrı ayrılıqda haram olaraq eyni sayda, 5 dəfə təkrarlanıb.

“Mələk” və “şeytan” sözləri də eyni sayda, hər biri 88 dəfə təkrarlanıb.

“Dünya” və “axirət” sözləri müxtəlif ayələrdə 115 dəfə işlədilib.

“Yaxşı əməl” və “pis əməl” sözləri eyni sayda, 167 dəfə təkrarlanıb.

“Ölüm” və “Həyat” sözləri onlardan törəmə sözlərlə birlikdə eyni sayda 145 dəfə təkrarlanıb.

“Fayda” və “Fəsad” sözləri də eyni saydadır – 50 dəfə.

“Yay” və “isti” sözləri, “qış” və “soyuq” sözləri müxtəlif yerlərdi eyni sayda işləndiyi kimi hər iki söz bir yerdə, yəni “ isit” və “ soyuq” sözləri eyni yerdə 4 dəfə təkrarlanıb.

“Əxlaqsızlıq” və “qəzəb” sözləri törəmə sözləri ilə birgə 24 dəfə təkrarlanıb.

"Bütlər” və onlara inanıb Allaha şərik qoşanlara aid edilən “şirk” sözü də eyni saydadır – 5 dəfə.

“Cəhənnəm” və “cəza” sözləri müxtəlif yerlərdə eyni sayda, 26 dəfə təkrarlanıb.
“De ki əgər cinlər və insanlar bir yerə yığışıb bu Qur`ana bənzər bir şey gətirmək üçün bir-birinə kömək etsələr, yenə də ona bənzərini gətirə bilməzlər” (əl-İsra 88)

Kainatın sonu və Big Crunch

2010-08-25T05:02:00.000-07:00

Qeyd etdiyimiz kimi, kainatın yaradılması “Biq bənq” deyilən böyük partlayışla başlayıb. Həmin dövrdən indiyə qədər də kainat genişlənməkdədir. Alimlər bildirir ki, kainatın kütləsi kifayət edəcək miqdara çatanda bu genişlənmə prosesi cazibə qüvvəsinə görə dayanacaq və bu da kainatın öz daxilinə çəkilməyə, büzülməyə başlamasına səbəb olacaq. Kainatın büzülməsi prosesinin isə axırda “Biq krənç” (“Böyük büzülmə”) deyilən çox yüksək bir istilik və sıxılma ilə nəticələnəcəyi qeyd edilir.

Bu isə bizə məlum olan bütün həyatın yox olması mənasına gəlir. “Biq krənç” adlı bu elmi nəzəriyyəyə Quranda belə işarə edilir:

“Göyü kitab səhifəsi kimi büküb qatlayacağımız günü yadınıza salın. İlk dəfə yaratdığımız kimi qaytarıb əvvəlki halına salırıq. Biz yerinə yetirməli olduğumuz vədi mütləq yerinə yetirəcəyik” (“Ənbiya”, 21/104).

Başqa bir ayədə isə göylərin bu vəziyyəti belə izah olunur: “Allahı lazımınca qiymətləndirmədilər. Halbuki qiyamət günü yer bütünlüklə Onun ovcunun içində olacaq, göylər isə Onun sağ əli ilə büküləcəkdir. O, aid etdikləri sifətlərdən tamamilə uzaq və ucadır!” (“Zumər”, 39/67).

“Biq krənç” nəzəriyyəsinə görə, kainat başlanğıcda olduğu kimi əvvəlcə yavaş-yavaş, sonra tədricən sürətlə dağılmağa başlayacaq. Bütün bunlardan sonra isə sonsuz yoğunluq və sonsuz hərarətdə, sonsuz kiçiklikdə bir nöqtə halına gələcək. Bu elmi nəzəriyyə Quran ayələri ilə tam şəkildə üst-üstə düşür (Doğrusunu Allah bilir).

GÜNƏŞİN HƏRƏKƏT İSTİQAMƏTİ

2010-07-30T10:17:00.000-07:00

Quranda Günəşdən və Aydan bəhs edilərkən onların hər birinin özünəməxsus orbiti olduğu qeyd edilir: “Gecəni və gündüzü də, Günəşi və Ayı da yaradan Odur. Onların (həmçinin ulduzların) hər biri (özünə məxsus) bir göydə üzür (öz hədəqəsində, öz dairəsində hərəkət edir).”(Ənbiya surəsi, 33)

Bu ayədəki “üzmək” kəlməsi ərəb dilində “səbəhə” feli ilə ifadə edilir. Bu kəlmədən Günəşin kosmosdakı hərəkətini bildirmək üçün istifadə olunub. Bu kəlmə həmçinin Günəşin kosmosdakı hərəkətinin nəzarətsiz olmadığını, onun öz orbitində hərəkət etdiyini və dövr edərkən özünəməxsus hərəkət dairəsi olduğunu anladır. Günəşin sabit (və ya statik) olmaması, onun müəyyən orbitdə hərəkət etməsi başqa bir ayədə belə qeyd edilir:

“Günəş də özü üçün müəyyən olunmuş yerdə seyr edər. Bu, yenilməz qüvvət sahibi olan (hər şeyi) bilən Allahın təqdiridir” (Yasin surəsi, 38)

Quranda bildirilən bu həqiqətlər yalnız və yalnız XX əsrdə astronomiya elmi sahəsində aparılan tədqiqatlarla təsdiq edilib. Mütəxəssislərin hesablamalarına görə, Günəş “Solar Apeks” adlı orbit boyu Veqa ulduzu istiqamətində saatda 720.000 kilometrlik möhtəşəm bir sürətlə hərəkət edir. Bu təxmini hesablama Günəşin sutka ərzində 17 milyon 280 min kilometr yol qət etdiyini göstərir. Günəşlə birlikdə onun cazibə sistemindəki bütün planet və peykləri də eyni məsafəni qət edir.

KAİNATIN GENİŞLƏNMƏSİ

2010-07-29T06:27:00.000-07:00

Astronomiya elminin hələ inkişaf etmədiyi bir dövrdə - 1400 il əvvəl göndərilən Qurani-Kərimdə kainatın genişlənməsindən belə bəhs edilir: “Biz göyü qüdrətimizlə yaratdıq və biz onu genişləndirməkdəyik” (“Zariyat” surəsi, 51/47).

Bu ayədəki “səma (göy)” kəlməsindən Quranın əksər yerində “kainat” və “kosmos” mənasında istifadə edilir. Bu ayədə də bildirdiyimiz mənada işlədilir və kainatın genişləndiyini xəbər verir. Azərbaycan dilinə “Biz onu genişləndirməkdəyik” kimi tərcümə edilən ərəb dilindəki “innə lə musiunə” ifadəsindəki “musiunə” kəlməsi “genişləndirmək” mənasına gələn “əvsəə” felindən törəyib.“Lə” şəkilçisi də birlikdə işlədilən isim və sifətə uyğun olaraq “çox” mənasını ifadə edir. Beləliklə bu ifadə “Biz göyü və ya kainatı çox genişləndiririk” mənasına gəlir.

          Elmin bu gün gəldiyi nəticə Qurandakı qənaətin təkrarlanmasından başqa bir şey deyil. XX əsrin əvvəllərinə qədər elm dünyasında hakim olan fikir kainatın sonsuz ölçülərə malik olması, sonsuzdan bəri var olduğu və sonsuza qədər də var olacağı şəklində idi. Ancaq müasir texnologiyalar əsasında aparılan tədqiqat və hesablamalar kainatın bir başlanğıcının olduğunu və onun hər an genişləndiyini göstərir.

          XX əsrin əvvəllərində rus fiziki Aleksandr Fredman və belçikalı astrofizik George Lemaytr kainatın fasiləsiz hərəkət halında olduğunu və genişləndiyini nəzəri olaraq hesablamışdılar. Bu həqiqət 1929-cu ildə müşahidələrlə sübut olunmuşdu. Amerikalı astronom Edvin Hubbl nəhəng teleskopla göy üzünü araşdırarkən ulduzların və qalaktikaların bir-birindən sürətlə uzaqlaşdıqlarını kəşf etdi. Bu kəşf astronomiya tarixinin ən böyük kəşflərindən biri sayılır. Hubbl bu tədqiqatları zamanı ulduzların uzaqlıqlarına müvafiq olaraq qırmızı rəngə tərəf yaxınlaşan bir işıq yaydığını gördü. Çünki fizikanın məlum qanunlarına görə, müşahidənin aparıldığı nöqtəyə tərəf hərəkət edən işıq qrupu narıncı istiqamətə, müşahidənin aparıldığı nöqtədən uzaqlaşan işıq qrupu da qırmızı tərəfə yayılır. Hubblın müşahidələrində isə ulduzların işıqlarında qırmızı istiqamətə tərəf bir yayılma qeyd edilmişdi. Qısası, ulduzlar davamlı olaraq bir-birindən uzaqlaşırdılar. Ulduzlar və qalaktikalar ancaq bizdən deyil, bir-birindən də uzaqlaşırdılar. Hər şeyin fasiləsiz olaraq bir-birindən uzaqlaşdığı bir kainat isə “davamlı genişlənən” bir kainat mənasına gəlir. Kainatın genişlənməsi sonrakı illərdə də qəti olaraq təsdiq edildi.
          Mövzunu daha yaxşı başa düşmək üçün kainatı doldurulmaqda davam edən bir şarın səthi kimi təsəvvür etmək olar. Şarın üstündəki nöqtələr şar dolduqca bir-birindən uzaqlaşdığı kimi kainatdakı cisimlər də kainat genişlədikcə bir-birindən uzaqlaşır. Əslində bu həqiqət XX əsrin ən böyük elm adamlarından biri sayılan Albert Eynşteyn tərəfindən də nəzəri olaraq kəşf edilmişdi. Lakin Eynşteyn həmin dövrdə qəbul edilən “statik kainat modeli”nə zidd çıxmamaq məqsədi ilə bu kəşfini bir kənara qoymuşdu. Eynşteyn sonralar bu hərəkətini “karyerasının ən böyük səhvi” adlandırıb. Bu elmi həqiqət hələ heç bir insana məlum olmadığı halda Quranda əsrlərlə əvvəl açıqlanmışdır. Çünki Quran bütün kainatın Yaradanı və hakimi olan Allahın sözüdür.

UŞAĞIN CİNSİYYƏTİ KİMDƏN ASILIDIR?

2010-07-28T06:26:00.000-07:00

Yaxın vaxtlara qədər insanlar belə hesab edirdilər ki, uşağın cinsiyyətini ya ana hüceyrələri, ya da ən azı ana ilə atadan gələn hüceyrələr birlikdə müəyyənləşdirir. Ancaq Quranda bu mövzuda fərqli məlumat verilmiş, erkəkliyin-dişiliyin “bətnə tökülən nütfədən” asılı olması bildirilmişdir: “Hər bir cütü erkək və dişi yaradan Odur - nütfədən (döl yatağına) axıb tökülərkən” (“Nəcm” surəsi, 53/45-46). “Məgər o, tökülən bir qətrə nütfə deyildimi?! Sonra laxtalanmış qan (ələq) oldu və (Allah) onu yaradıb surət verdi. Sonra da ondan biri kişi, biri qadın olmaqla iki cüt yaratdı” (“Qiyamə” surəsi, 75/37-39).

Quranda verilən bu məlumatın doğruluğu genetika və mikrobiologiya elmlərinin inkişafı ilə qəti şəkildə təsdiq edildi. Cinsiyyətin tamamilə kişidən gələn sperma hüceyrələri tərəfindən müəyyən edildiyi, qadının isə bu işdə heç bir rolunun olmaması ortaya çıxdı. Cinsiyyəti müəyyən edən əsas amil xromosomlardır. İnsanın quruluşunu müəyyən edən 46 xromosomdan ikisi cinsiyyət xromosomudur. Bu iki xromosom kişidə XY, qadında isə XX kimi tanınır. Bunun səbəbi bəhs edilən xromosomların bu hərflərə bənzəməsidir. Y xromosomu özündə kişilik, X xromosomu isə qadınlıq genləri daşıyır.

İnsanın əmələ gəlməsi kişidə və qadında cütlər halında yer alan bu xromosomların bir dənəsinin birləşməsi ilə başlayır. Qadında yumurtalığın mayalanması zamanı iki yerə ayrılan hüceyrənin hər iki parçası da X xromosomunu daşıyır. Kişidə ikiyə ayrılan hüceyrə isə X və Y xromosomlarını daşıyan iki fərqli sperma yaradır. Qadındakı X xromosomu kişidəki X xromosomunu ehtiva edən sperma ilə birləşərsə, doğulan uşaq qız olur. Əgər Y xromosomunu daşıyan sperma ilə birləşərsə, bu dəfə uşaq oğlan olur. Yəni doğulacaq uşağın cinsiyyəti kişidəki xromosomlardan hansının qadının yumurtası ilə birləşməsindən asılı olaraq müəyyən olunur.
Şübhəsiz ki, genetika elmi ortaya çıxanadək, yə'ni XX əsrə qədər bu məsələlərin heç biri insanlara təfərrüatı ilə məlum deyildi. Bir çox ölkələrdə, bir çox xalqlar arasında hətta belə bir yanlış inanc geniş yayılmışdı ki, uşağın cinsiyyətini guya qadın müəyyən edir, yəni körpənin qız yaxud oğlan olması guya anadan asılıdır. Qız uşağı doğan qadınların qınanması, onların bəzən incidilməsi və alçaldılması məhz bu yanlış təsəvvürlərdən irəli gəlirdi.

Halbuki Quranda insanlara genlərin kəşfindən hələ 14 əsr əvvəl bu batil inancı rədd edən bir məlumat verilmiş, cinsiyyətin mənşəyinin qadın deyil, kişidən gələn nütfə olduğu bildirilmişdir.X xromosomu qız, Y xromosomu isə oğlan xüsusiyyətləri daşıyır. Ana yumurtasında ancaq qız cinsiyyətini müəyyənləşdirən X xromosomu olur. Atadan gələn spermada isə həm X, həm də Y xromosomu gəzdirən spermalar olur. Dolayısı ilə uşağın cinsiyyəti ananın yumurtasını mayalandıran spermanın X və ya Y xromosomu gəzdirməsindən asılıdır. Yəni ayədə bildirildiyi kimi, uşağın cinsiyyətini müəyyən edən səbəb atadan gələn spermadır. Quranın göndərildiyi əsrdə qəti olaraq bilinməyən bu məlumat Quranın Allah sözü olduğunu sübut edən dəlillərdən biridir.